أخواني وأخواتي..ننبه وبشدة ضرورة عدم وضع أية صور نسائية أو مخلة بالآداب أو مخالفة للدين الإسلامي الحنيف,,,ولا أية مواضيع أو ملفات تحتوي على ملفات موسيقية أو أغاني أو ماشابهها.وننوه أيضاَ على أن الرسائل الخاصة مراقبة,فأي مراسلات بين الأعضاء بغرض فاسد سيتم حظر أصحابها,.ويرجى التعاون.وشكراً... كذلك يمنع تبادل روابط لـ مواقع اخرى . منتديات + إيميلات + سكايبي + أرقام جوالات + تويتر + بي بي أم + إنستقرام + فيس بوك ؛ الأدارة تحذير ...

آخر 10 مشاركات
قريبا الاستغناء عن اللابتوب (الكاتـب : - مشاركات : 0 - المشاهدات : 8 - الوقت: 10:41 PM - التاريخ: 25-02-2018)           »          الوان مجموعات تصميم عشق ديزاين هدية للجميع (الكاتـب : - مشاركات : 0 - المشاهدات : 22 - الوقت: 10:23 PM - التاريخ: 25-02-2018)           »          جسر اليابان الحلقي Kawazu-Nanadaru (الكاتـب : - آخر مشاركة : - مشاركات : 2 - المشاهدات : 77 - الوقت: 10:50 PM - التاريخ: 22-02-2018)           »          مجموعة المخطوطات الاسلامية 30 (الكاتـب : - آخر مشاركة : - مشاركات : 2 - المشاهدات : 81 - الوقت: 10:48 PM - التاريخ: 22-02-2018)           »          مجموعة المخطوطات الاسلامية 29 (الكاتـب : - آخر مشاركة : - مشاركات : 2 - المشاهدات : 63 - الوقت: 10:47 PM - التاريخ: 22-02-2018)           »          مجموعة المخطوطات الاسلامية 28 (الكاتـب : - آخر مشاركة : - مشاركات : 2 - المشاهدات : 66 - الوقت: 10:46 PM - التاريخ: 22-02-2018)           »          مجموعة المخطوطات الاسلامية 27 (الكاتـب : - آخر مشاركة : - مشاركات : 2 - المشاهدات : 68 - الوقت: 10:45 PM - التاريخ: 22-02-2018)           »          مجموعة المخطوطات الاسلامية 26 (الكاتـب : - آخر مشاركة : - مشاركات : 2 - المشاهدات : 66 - الوقت: 10:44 PM - التاريخ: 22-02-2018)           »          اسم الله : الرحمن الرحيم (الكاتـب : - آخر مشاركة : - مشاركات : 2 - المشاهدات : 112 - الوقت: 10:42 PM - التاريخ: 22-02-2018)           »          فإني قـريب (الكاتـب : - آخر مشاركة : - مشاركات : 2 - المشاهدات : 81 - الوقت: 10:41 PM - التاريخ: 22-02-2018)


الاحاديث الودية والمشاعر الاخويه لاعضاء ابن الصحراء



الملاحظات

صحراء قصة وقصيدة مـنتدى قصة و قصيدة للقصائد و القصص التاريخيه القصيرة والطويلة لجميع القبائل دون استثناء او تفريق

سالفه وقصيده للشاعر مرشد البذالي

سالفه وقصيده للشاعر مرشد البذالي السلام عليكم ورحمة الله وبركاته هذا رجال طال عمركم راح أيام الربيع وقعد يتمشى ويطالع ولا الارض زينه ومزهره والربيع منتشر والخضار عام

إنشاء موضوع جديد  إضافة رد
 
أدوات الموضوع إبحث في الموضوع
قديم 26-12-2016, 06:33 AM   #1
 
الصورة الرمزية ابن الصحراء
 
تاريخ التسجيل: 2 - 6 -07
الدولة: Saudi Arabia
المشاركات: 14,228
معدل تقييم المستوى: 110
ابن الصحراء has a reputation beyond reputeابن الصحراء has a reputation beyond reputeابن الصحراء has a reputation beyond reputeابن الصحراء has a reputation beyond reputeابن الصحراء has a reputation beyond reputeابن الصحراء has a reputation beyond reputeابن الصحراء has a reputation beyond reputeابن الصحراء has a reputation beyond reputeابن الصحراء has a reputation beyond reputeابن الصحراء has a reputation beyond reputeابن الصحراء has a reputation beyond repute
Sh3r سالفه وقصيده للشاعر مرشد البذالي

سالفه وقصيده للشاعر مرشد البذالي


السلام عليكم ورحمة الله وبركاته
هذا رجال طال عمركم راح أيام الربيع وقعد يتمشى ويطالع ولا الارض زينه ومزهره والربيع منتشر والخضار عام ,
لا وبعد موافق مثل ما تقول محلات كلها خباري ومياه , ويتمشى حولها ويدور السهول ويطالع ويناظر , الرجال دقاق نظر بخيص ولا هو بعجل يتفرج ويطالع ولا والله يلقى أثر فقع قعد يدور في الفقع ويطالع جمع له شوي , والله يوم مشي وتعدي ضلعان وجبال ولقى أرض سهله وزينه ودمثه وفيها عرب منا ناس ومنا ناس نازلين اللي معهم غنم واللي معهم ابل تشطر عنهم بعيد وقام يتمشى الحاله وأثناء ماهو يتمشى مادرى إلا والله هاك الغنم يوم انهلت عليه من عند هاك الثنيه ولا وراهن هاك البنت الجميله بنت زينه عليها جلال ومتحشمه , سلم عليها من بعيد , سلام وعليكم السلام وما أدري ويش , وصارت قريبه حوله تكلمه وش انت يالاخ ومتاك جاي هنيا , قال والله جاي اتمشي واطالع و أدور إن كان هنا فقع , ولاهي معها فقع مجمعته قبل لا يجي هو , خذت الفقع اللي معها وقالت خذ هذا تفضل أنا مجمعته , قال خليه
لكم , قالت لا حنا مقيمين في البر وأنت طرقي يمكن تقعد الليله وتمشي خذ هذي الساعه المباركه ,خذاه منها وقعدت تتكلم معاه شوي ولا الحقيقه على جانب من الثقل والجمال وفيها حياء عظيم , ولا تهرج الا على شوي شوي , طالع
عيونها من ورى البرقع وجازت له عيونها حيل ( ما تخلون حركاتكم يالرجال ) الحاصل إنه أخذ الفقع منها , قالت له تفضل عند أهلي شف مكاننا هناك تعال تغد عندنا او تعش , واستانس منها على كرامتها وانها قلطته وقالت له تفضل , قال ان شاء الله أشوف أنا بتمشى شوي إن امداني مريت عليكم و إن ما أمداني , انتم مقيمين هنا ؟ قالت ايه والله حنا مبطي في هالمكان , المهم شعفت قلبه بكلامها وحركاتها وبثقلها ورزانتها وهو شاعر والشاعر مرهف حس ودقاق , وعقب يومين من تمشيه في البر دخل للديره ويوم دخل قام يسولف على واحد من أصدقاه يقول إني رحت كذا وكذا وحصلت وشاهدت هاك البنت الجميله وإنها قالت لي كذا وإنها حياويه وإنها تطقق اصابعها من الحياء لا ناظرت , قال يا رجال هين بس واجد قال إنها والله شعفت قلبي , قال يارجال بكره ولا عقبه تنساها , المهم لامه على قوله تلقى غيرها الحريم واجد والعشق واجد وإن تولعت في هالامور بتتعب , المهم يالربع مالكم بالطويله انتهي وقت الربيع وهو لا يزال يذكر هاك الموقع وهاك المكان وهاك الحبابه والطرافه والكلام الطيب , وعقب فتره عقب ما جاء الربيع الثاني قرر قال ابروح أزورهم في مكانهم اكيد اني ابلقاهم , اخذ معه شي من الهدايا مثل ماتقول هديه بسيطه كسوه وقال اروح اسير عليهم, فتجهز وراح يوم راح ووصل للموقع اللي هو خابر اللي هو شافهم فيه جاء ولا والله ما هم فيه ولا هم شادين ورايحين لمكان ثاني لانهم يتابعون مشاهي حلالهم, وفعلاَ ما لقى أحد هاك الليله اللي هو وصل فيها لمكانهم وما وصل الا متأخر ونام , نام في هاك المكان لكنه لا يزال يتذكر هاك الموقع اللي يوم تعطيه الفقع فيه ويوم تقابله ويوم يحكون عند هالحصاة شوي ويتقدم يتقدم عنها شوي ويتذكر يوم إنها تطق بعصا معها على هاك الحصاة الكبيره وترفع رجل وطمن رجل وتمشى وتذكر مناظرها له وكلامها الطيب له وإن كلامها يهشش القلب شوي وزين ويدخل العقل كل هالاشياء تذكرها وهو يتمشي ويطالع ويناظر أمساه الليل ونام في هالمكان لكن يوم نام وجاء
تالي الليل توقظ ولا والله يسمع حس ذيب بعيد وهيضه هالذيب ............. وقال


البــارحه جــاوبت لي حس عـاوي * * * ذيب عــوى لجيت بالحـــس ويـــاه
ذيب يجــر الصــوت حسه خــلاوي * * * ياقـلب ياللي جاوب الذيب بـــعواه
والصبح بانت في ضميري أهاوي* * * صوت (ن) زعجته ليت خلي توحـاه
يـادار ما شفتي ظبــي المــطاوي * * * أتلى عـلامي به غشنك رعايـــاه
أنا على شــوف الحبيب شــفاوي * * * كأنه هنـــيا خبرينـــي بممـــساه
قالت لي الأوطان جلــع ضحــاوي * * * اليـــوم رأس الرجــم هذا توطـــاه
أمس بــهذا وأصــبح اليوم نــاوي * * * يتلى ســلف بــدو بعيد معشـــاه
كشف لـهم بــرق سديد عشـــاوي * * * يخيــلونه يم خشــــم المسنــــاه
يبـــون مربــاع بـهاك الحــــراوي * * * لا زاف زملوقه وشبعت رعايـــاه
إخذ الخبر ما هوب خرص وهقاوي * * * أعطيك علم صويحبك وين تلقاه
أدنــي مرابيعه بخشــم الصـداوي * * * وبيــوت مقياضه بقرية مبنــــاه
مير اطلب الله لــو صوابك مخـاوي * * * كم واحد قبلك عشيره تمنــــاه
يالعين ما ينــفع كثــير الشكاوي * * * إلا على اللي دبر الغيث وأنشاه
يـــاونتي ونــة وحــيد جـــــلاوي * * * اللي سبب دينه من أقرب دناياه
ولا خـــلافه من يــحل الدعــــاوي * * * لا صار ربعه منه تبي المثــــاراة
عليك ياللي لك بقلــبي مكـــاوي * * * ثلالث ردعات هوادي وعرقــــاه
عقبه فقـدت من المنام الحـــلاوي * * * وحتى متاعي قامت الكبد تجفاه
يــالايمي ياعـــل مالك عــــراوي * * * بلاه ما ولعــك بالحـــب حليــــاه
مـن لا يعرف الحب عنده دعــاوي * * * يشره على راعي المحبه وينشاه
ويــقول هذا في ممـاشيه غاوي * * * وحنا نـــدل الـــدرب والحــمد الله
يالله عسى مثله كثير الـــهزاوي * * * يبلوى ببلوى من لسانه تهــــزاه
حتى يــعرف إن المحبه بـــلاوي * * * ويشوف مثل اللي من الحب شفناه
عساه يبلى في محبة حيـــاوي * * * حب الهنوف اللي يحده على أقصاه
تفرى ضــيره فري دلو الرواوي * * * إلا صفقها الجــال من حد ملقــــــاه
لا لجلجت له بالنظــير السهـاوي * * * كلامها (لبيـــه) عن قـــولة هــــــاه
كلامها للـقلـــب مثل المــــداوي * * * اللي عــرف علــــة مريـــضه وداواه
يــارب إني بالتفاتك رجــــاوي * * *تلم شمــل الولــف من عقب فرقــــاه
لو تنفع الفزعات ولا النخـــاوي * * * على المــحبة كان كل (ن) نخيـــناه
بين الرجاء والياس صار متساوي * * * يــــاقلبي أصبر في تدابير الإلــه
لو مابقى في حالك إلا شـــلاوي * * * مادبر الوالــي على العبد يرضــاه

قال هالقصيده وهي في الحقيقه تعبر عن شعوره وعن خطواته اللي هو مشاهن وهذه من أجمل قصائد الغزل
للشاعر/ مرشد بن سعد البذالي..


------------



shgti ,rwd]i ggahuv lva] hgf`hgd

ابن الصحراء متواجد حالياً   رد مع اقتباس
قديم 27-12-2016, 09:51 PM   #2

مراقبة المنتديات الادبية
 
الصورة الرمزية البدوية
 
تاريخ التسجيل: 6 - 7 -07
المشاركات: 3,847
معدل تقييم المستوى: 110
البدوية has a reputation beyond reputeالبدوية has a reputation beyond reputeالبدوية has a reputation beyond reputeالبدوية has a reputation beyond reputeالبدوية has a reputation beyond reputeالبدوية has a reputation beyond reputeالبدوية has a reputation beyond reputeالبدوية has a reputation beyond reputeالبدوية has a reputation beyond reputeالبدوية has a reputation beyond reputeالبدوية has a reputation beyond repute
افتراضي رد: سالفه وقصيده للشاعر مرشد البذالي

طرح بمنتهى الروعه اخي ابن الصحراء
سلمت يمينك في اختيارك
ودام عطائك الذي فاض معه هذا الابداع
دمتِ بخـير ،، كل الود ..
البدوية متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:46 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
new notificatio by 9adq_ala7sas