اعقب و اخس....~

اعقب و اخس....~

بسم الله الرحمن الرحيم

أسعد الله مساءكم / صباحكم بكل خير..

هذه القصيدة قلتها عندما حل علي ضيوف ذكرت أسمائهم فالقصيدة وحاول من يسكن معي أن يقوم بمضايقتهم بتصرفاته ....فقلت:::

هات القلم و أكتب بيوتن مســواه
0000من شاعرن ما ضايقوه الرخومي

يا حيـف يا بعض الرجال وسوايـــاه
0000 عز الله أن قسمه من أردى القسومي

لا و الله الا أتـرك شبيهـه و شـرواه
0000 طبيعته ماتنوجـد فالسـلومـي

لا يــحسب أني بتبعـه و أتـحراه
0000 ماني بـخاوي ميتين العـزومي

خويي اللـي فالـمواقيـف نلقــاه
0000 اليا انتخيت القاه وقت اللزومي

ماهو بـمسبوهن يسحـب لـي رداه
0000 صميدعن وقت الملاقا جزومي

وش رايكم يا أهل الوفاء وأهل الجاه
0000 في واحدن ربعه رجالن قرومي

لكن وقتـه غيـره و أخلف حكـاه
0000 أصبح من علوم الرجال محرومي

اللــي يبا يطــرد ضيوفي لـمرضاه
0000 قولو له (أعقب وأخس) منت محشومي

ذولا طحـاطـيح الـرجـال الـمسماه
0000 اللـي ليـا صكت عليه تقـومي

سلطـان بن راجـح على الطيـب مربـاه
0000 ربـاه عـودن من رجـال البقـومي

وفـهد تـرد الطيـب بالطيـب يـمنـاه
0000 يفـزع لنـا في كـل ليلـه و يـومي

ومـاجـد زبـون الطـايلـه لا عدمنـاه
0000 ماهـوب فالـلازم يطيح و يقـومي

==============================

المصدر: منتديات شبكة ابن الصحراء - من قسم: صحراء الشعر العـــام

---

hurf , hos>>>>Z

اخي سيف الصحراء
صح لسانك
قصيدة جزلة

ذولا طحاطيح الرجال المسماه === اللي ليا صكت عليه تقومي
سلطان بن راجح على الطيب مرباه === رباه عودن من رجال البقومــي
وفهد ترد الطيب بالطيب يمناه === يفزع لنا في كل ليله و يومـــــي


صح السانك شاعر متمكن مافيك حيله

ابن الصحراء

ابو زابن


صحت ابدانك

تشرفت بمرورك

شاعر جزل يعطيك العافية قصيدة رائعة
موفق

ما عليك زود يا أبو معيوف وبيض الله وجهك على ما قلت

ما عاش من ضايقك يا طيب الـجاه
000وأنت على نـهج الرجال القرومي

أترك ضعيف النفس خالف سوايـاه
000وأترك ضعيفاً ما يسد اللزومـي

والله لـولا العيـب والله لـولاه
000ما كان ينفع فيها حب الخشومي

حنا ترا من نسل عـودك ومـجناه
000عـدونا لا طاح ما هو يقومـي

تفخر بنا عذراء نـهار الـملاقـاه
000من فوق قبن شاهراتن بقومـي

خذها يا ابن معيوف بيوتن منقـاه
000من واحداً ما يلتفت للرخومـي

(وسلامتكـ)

والله ما اعرفك يا لاجودي

ولكن بعد هاالبيوت الجزله انك من الي ينحطون على اليمنى

وربي انك جزل ومن بيت جزاله


صح السانك يالقرم

وبيض الله وجهك ومافيك حيله

راع البيرق

شبيه الريح

سعد العاري

صحت ابدانك و لا عليكم زود




شبيه الريح صح لسانك

صـح بدنك يا الذيب