منتديات شبكة ابن الصحراء

منتديات شبكة ابن الصحراء (https://www.ibn3.com/vb/index.php)
-   صحراء الشعر العـــام (https://www.ibn3.com/vb/forumdisplay.php?f=37)
-   -   ياطير (https://www.ibn3.com/vb/showthread.php?t=8262)

الفتي 30-09-2010 03:15 PM

ياطير
 
نظراً لمكانتكم الغاليه عندي وحبي لهذا المنتدى الغالي ورواده
فهذه صرخه جديده غزليه لعلها ترضي اذواقكم وانني انتظر مداخلاتكم
وردودكم وتوجيهي للاخطاء فانه لايوجد من لايخطي

ياطير يلي معك جنحان تقدر تطير=ترى الامانه ثقيله وانت مامونها
وصل سلامي لخلي قبل وقت العصير=اربها تنثر الدمعه من عيونها
الصاحب اللي نهب قلبي وراح لعسير=حتى عيوني علشانه بكى نونها
ياقوا قلبه عليه ماتوحى المشير=ولاخاف ربي وهد الروح واغصونها
ريميت(ن)كل ماشافت رجال(ن) تذير=تزعل ليا قاموا العربان يشنونها
ابو عيون(ن)سوات الجم والا الغدير=النور في مبسمه يلي تشوفونها
ويلي على ضمته لوكان وقت الهجير=والناس ماهيب تدري ويش مضمونها
في ليلت(ن)خرمسيه شوفها تستدير=تفرح وتطرب وكل الناس يوحونها
ماخيبت هقوتي يوم قفت تسير=ماهيب تخلف عوايدها وقانونها
من لابتن في الحرايب ماتشيل الكسير=تدجر ليا شافت العدوان من دونها
هي منوت اللي هقا ياسعود وهوه كبير=يشوف قهر الليال و يعرف طعونها
وان خيروني ترى الدنيا مكان(ن)حقير=والآخره طمعتي يلي تمنونها
والخاتمه ياكريم الجاه وقت الاخير=تمحى ذنوبي قبل غيري يعدونها
وصلاة ربي على محمد نبياً نذير=ماغرد الطير في الاشجار وغصونها


------------

بنت الصحراء 30-09-2010 06:37 PM

رد: ياطير
 
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
شـكــ وبارك الله فيك ـــرا لك ... لك مني أجمل تحية .

قصيدة غزلية عفيفة ومنسقة الابيات والوصف

ويلي على ضمته لوكان وقت الهجيـر=والناس ماهيب تدري ويش مضمونها
في ليلت(ن)خرمسيه شوفها تستديـر=تفرح وتطرب وكل النـاس يوحونهـا
ماخيبت هقوتـي يـوم قفـت تسيـر=ماهيب تخلـف عوايدهـا وقانونهـا
من لابتن في الحرايب ماتشيل الكسير=تدجر ليا شافت العدوان مـن دونهـا
هي منوت اللي هقا ياسعود وهوه كبير=يشوف قهر الليال و يعـرف طعونهـا

صح لسانك اخي الكريم راع القايده

الفتي 30-09-2010 10:47 PM

رد: ياطير
 
اشكر لكي اعجابك وتشجيعك ودعمك الامحدود
وهذا ذوق وانتي شاعره وتعين مانكتب ومعانيها
رعاك الله ووفقك


الساعة الآن 08:51 AM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
new notificatio by 9adq_ala7sas

vEhdaa 1.1 by NLP ©2009